Plantun de Prouvènço

Pèr coumpara dos planto d'encò nostre

Morus nigra & Ranunculus platanifolius

Amourié-negre

Morus nigra

Moraceae

Àutri noum : Amourié-d'Espagno, Amourié-de-damo, Amourié-de-malaut, Amourié-de-presènt.

Nom en français : Mûrier noir.

Descripcioun :
L'amourié-negre èi pu gaire planta à l'ouro d'aro. S'atrobo pamens encaro dins d'ùni vilage. Li fueio, proun chanjarello, soun mai founço qu'aquéli de l'amourié-blanc. Se destrìo subre tout emé li fru que soun mai long, e peréu lou pecout, e bèn roujo un cop madur.

Usanço :
Li muro "vertadiero" (au contre di fru de Rubus), soun bono à manja. Li gènt pamens li acampon pu gaire (lou fau faire lèu) e li laisson toumba au sòu ounte fan de gròssi taco negro.

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Morus
Famiho : Moraceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Pargue
Estànci : Pancaro entresigna
Couroulougi : Pancaro entresigna
Ref. sc. : Morus nigra L., 1753

Ranouncle(-di-fueio-de-platano)

Ranunculus platanifolius

Ranunculaceae

Nom en français : Renoncule à feuilles de platane.

Descripcioun :
Lou ranouncle-di-fueio-de-platano trachis sus li pendis di fourèst de faiard. S'atrobo soulamen à l'uba de noste relarg, ço que n'en fai uno planto pulèu raro. Se recounèis à si fueio proun penado que sèmblon pulèu à-n-aquéli de l'estranglo-loup que de la platano. Li flour, blanco, soun pourtado pèr de pecou sènso péu (au contre de Ranunculus aconitifolium) e li fru soun emé de bè di proun croucu (fotò). Coumpara emé lou ranouncle-di-fueio-d'acounit que ié sèmblo proun.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Grando erbo
Taio : 20 à 130 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : 1200 à 2200 m
Aparado : Noun
Mai à juliet

Liò : Faio - Prado à rousèu - Relarg à jóuinis aubret - Blachiero
Estànci : Mountagnard à Subaupen
Couroulougi : Ouroufito-Éuropenco
Ref. sc. : Ranunculus platanifolius L., 1767 (= Ranunculus aconitifolius subsp. platanifolius (L.) Berher, 1887 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Morus nigra & Ranunculus platanifolius

Coumpara Amourié-negre emé uno autro planto

Coumpara Ranouncle(-di-fueio-de-platano) emé uno autro planto